‘नवौं छाँयाछवि डि सिने अवार्ड’ अन्तर्गत यस वर्षको ‘छायाँछवि लाइफटाइम लिजेन्ड्री अवार्ड–२०७४’ बाट संगीतकार÷गायक शम्भुजीत बास्कोटालाई सम्मान गरिने भएको छ । चार दशक भन्दा लामो समयदेखि संगीत श्रृजनामा लागेर चलचित्र सहित सबै प्रकारका नेपाली संगीतको संरक्षण, प्रवद्र्धन र विकासमा योगदान पुर्याएकाले संगीतकार बास्कोटालाई सम्मानित गर्न लागिएको आयोजक संस्थाले जनाएको छ । बास्कोटाले एक दर्जन भन्दा बढी चलचित्रका कथा लेखेका छन् भने करिब तीन सय चलचित्रमा संगीत दिएका छन् । चार हजार भन्दा बढी गीतका सर्जक बास्कोटा गायक र गीतकार पनि हुन् ।
नेपाल टेलिभजिन र चलचित्र विकाश बोर्डका कार्यकारी अध्यक्ष भइसकेका बास्कोटा हाल नेपाल संगीत तथा नाट्य प्रज्ञा प्रतिष्ठानका उपकुलपति समेत हुन् । यस्तै ‘छायाँछवि चलचित्रकर्मी रजत सम्मान–२०७३’बाट पुरुषतर्फ अभिनेता सरोज खनाल र महिलातर्फ अभिनेत्री रुपा रानालाई सम्मानित गरिने भएको छ । यस्तै यो वर्षको ‘छायाँछवि चलचित्र पत्रकारिता पुरस्कार–२०७४’बाट पत्रकार लक्ष्मण सुवेदीलाई पुरस्कृत गरिने भएको छ ।
सुवेदीलाई ९ हजार ९ सय ९९ रुपैयाँ र ताम्रपत्रबाट पुरस्कृत गरिने भएको छ । असार २२ गते हेटौडाको ओम्याक्स सिनेमा हलमा अवार्ड आयोजना गरिदैछ । सोही अवार्ड समारोहमा यी पुरस्कार प्रदान गरिने निर्णय गरिएको छायाँछवि क्रियसनका अध्यक्ष शान्तिप्रियले बताए ।
प्रतिक्रिया 4