२३ असार,उदयपुर । उदयपुरको बेलका नगरपालिकामा एमाले विजयी भएको छ ।
मेयरमा एमालेका दुर्गाकुमार थापा स्वस्तिकले ५८१८ मत प्राप्त गरी बिजयी भएका छन् । उनका निकटतम प्रतिद्वन्द्वी कांग्रेसका अशोक कार्कीले ५२६६ मत प्राप्त गरेका छन् ।
उपमेयरमा पनि एमालेकै राजकुमारी चौधरी ६१३१ मत प्राप्त गरी विजयी भएकी छन् ।
निकटतम प्रतिद्वन्द्वी नेपाली कांग्रेसकी दीपा राईले ५२८६ मत प्राप्त गरेकी छन् ।
योसँगै उदयपुरको सबै तहको स्थानीय निर्वाचन परिणाम सार्वजनिक भएको छ । जसमा एमालेले ८ मध्ये ६ तह जितेर पहिलो बनेको छ ।
कांग्रेस र माओवादीले एक एक तह जितेका छन् ।
