राजमा र जीरा राइस एक स्वादिष्ट कम्बिनेसन रेसेपी हो । राजमालाई स्वादिलो बनाउनका लागि सधै ताजा राजमाको प्रयोग गर्नुपर्छ । राजमा जति धेरै पुरानो भयो, उत्तिनै बेस्वादको हुन्छ । राजमामा लोकल गोलभेडा प्रयोग गर्नुपर्छ ।
आवश्यक सामग्री
राजमा- १५० ग्राम उसिनेको
प्याज- १
अदुवा- १ सानो टुक्रा
लसुन- ८ केस्रा
हरियो खुर्सानी- २
गोलभेडा- ३५० ग्राम
बेसार- १ चम्चा
धनिया- १ चम्चा
रातो खुर्सानी पाउडर- आधा चम्चा
गरम मसला- आधा चम्चा
नुन- स्वाद अनुसार
तेल- १ सय ग्राम
हरियो धनिया- २ चम्चा
राजमा बनाउने तरिका
– सबैभन्दा पहिला गोलभेडा काटेर मिक्सरमा पेस्ट बनाउने ।
– प्याज लसुन र अदुवाको पेस्ट बनाउने ।
– कराहीमा तेल तताउने । त्यसमा जिरा हाल्ने ।
– त्यसपछि प्याज, लसुन र अदुवाको पेस्ट हालेर सुनौलो रंगको हुनेगरी फ्राइ गर्ने ।
– त्यसमाथि बेसार, रातो खुर्सानी पाउडर, धनिया पाउडर र गरम मसला हाल्ने ।
– लगभग पाँच मिनेटपछि गोलभेडा हालेर राम्ररी चलाउने ।
– जब मसला पाकेर तेलबाट अलग हुन थाल्छ, त्यसमा राजमा हालेर ५ मिनेट जति भुट्ने ।
– नुन हाल्नुहोस् । र दुई गिलास उमालेको पानी हालेर १० मिनेटसम्म मध्यम आँचमा पकाउनुहोस् ।
– जब यो ग्रेभी पाक्छ, छुटै भाँडामा खन्याएर त्यसमाथि हरियो धनियाले गार्निश गर्नुहोस् ।
चामल- १५० ग्राम
जीरा- १ चम्चा
तेजपत्ता- २
कागतिको रस-थोरै
गाईको घिउ- १ चम्चा
नुन- स्वाद अनुसार
जीरा राइस बनाउने विधी
– चामललाई राम्ररी पखालेर पकाउने ।
– १० मिनेटसम्म उमालेपछि त्यसमा दुई थोपा जति कागतिको रस चुहाउने ।
– चामल पाकेपछि त्यसलाई निकालेर कराही ग्याँसमा कराही बसाउने ।
– कराहीमा घिउ तताउने । त्यसमा तेजपत्ता र जीरा हाल्ने ।
– त्यसमाथि नुन हालेर चामल हाल्ने ।
केहि समयपछि जिरा राइस तयार हुन्छ । यसलाई तात्तातो राजमा ग्रेभीसँग सेवन गर्न सकिन्छ ।