भारतीय टेलिभिजनका कमेडियन कपिल शर्माका लागि पछिल्ला केही महिना सुखद रहेनन् । एकातिर, उच्च टीआरपीमा रहेको शो छाडेर उनका साथीहरु तितरबितर भए त अर्कोतिर उनी आफै बिरामी परे ।
सोनी टेलिभिजनमा कपिलले संचालन गर्दै आएको कमेडी शो ‘दि कपिल शर्मा शो’को टीआरपी निकै खस्कियो । कपिललाई सोनी टेलिभिजनले नयाँ संझौता नगर्ने भन्ने खालका चर्चा पनि चलेका थिए ।
तर, अब यो शो बन्द नहुने भएको छ । सोनीले कपिलसँग नयाँ संझौता गरेको छ । भारतीय मिडियाका अनुसार केही महिना यो शो बन्द हुनेछ र नयाँ ढाँचामा दर्शकमाझ आउनेछ । कपिलले कति करोडमा शो नविकरण गरेका हुन् भन्ने खुलेको छैन ।
कपिलले सोनी टेलिभिजनसँग संझौता नविकरण भएकोमा खुशी व्यक्त गर्दै दर्शकलाई नयाँ नयाँ खुराक पस्किने बताएका छन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4