शनिबार, ४ कार्तिक, २०७४
OnlineKhabar.com

किन एक्लिए बाबुराम ?

रामचन्द्रले छाडे, देवेन्द्र पौडेललगायत नेता बाहिरिने तयारीमा

अनलाइनखबर

२८ साउन, काठमाडौं । विल्कुलै फरक, नयाँ र वैकल्पिक राजनीतिक दल निर्माण गर्ने उद्देश्यसहित नयाँ शक्तिको निर्माणमा लागेका पूर्वप्रधानमन्त्री डा. बाबुराम भट्टराई दुई वर्षमै एक्लिएका छन् । ३५ वर्षको कम्युनिस्ट राजनीतिबाट एकाएक ‘नयाँ कोर्स’ सुरु गरेका भट्टराई आफ्नो अभियानमा कामयावी हुन सकेनन् ।

अन्ततः उनी अहिले आफैंले सुरु गरेको अभियानमा झन्डै ‘एक्लो दौडाहा’ मा छन् । शुक्रबार मात्रै उनलाई औपचारिक रूपमा रामचन्द्र झा, रामकुमार शर्मालगायत मधेसी नेताले साथ छाडेका छन् । ०४० सालदेखि भट्टराईका हरेक ‘स्टेप’ मा साथ दिँदै आएका नेता देवेन्द्र पौडेललगायतले ‘सम्बन्धविच्छेद’ को अन्तिम तयारी गर्दै छन् ।

भट्टराईले ०७० को चैतदेखि नेपालमा वैकल्पिक राजनीतिक शक्तिको आवश्यकताका विषयमा बहस चलाउँदै ‘नयाँ शक्ति निर्माण’ को नेतृत्व लिने प्रयास गरेका थिए । तीन दशक बढी समय कम्युनिस्ट पार्टीमा बिताएका उनले ०७२ असोज ९ देखि भने ‘आफैंले योगदान गरेको कम्युनिस्ट पार्टीसँग डिभोर्स’ गर्दै ‘औपचारिक’ रूपमै नयाँ राजनीतिक कोर्स सुरु गरेका थिए ।

तर, उनले बनाउन खोजेजस्तो नयाँ शक्ति दुई वर्षको यो अन्तरालमा बन्न नसकेपछि अहिले उनलाई साथ दिन पुगेका नेता नै धमाधम पार्टीबाट बाहिरन थालेका छन् ।

उनलाई पार्टी निर्माण अभियानमा सहयोग गर्ने हस्तीहरू देवेन्द्र पौडेल, रामचन्द्र झा टाढिएका छन् । रामेश्वर खनाल, मुमाराम खनाललगायत नेता पहिल्यै उनीबाट अलग भइसकेका छन् ।

भट्टराईले नेपालमा वैकल्पिक राजनीतिक पार्टी बनाउने योजनामा तीन लक्ष्य राखेका थिए । पहिलो, आफूले निर्माण गर्ने वैकल्पिक पार्टी कुनै पनि वाद–दर्शनमा आधारित नरहने । दोस्रो, विचारधारा पार्टीको भए पनि जातिवाद र क्षेत्रवादबाट मुक्त हुने र तेस्रो, आर्थिक समृद्धि र विकासलाई मूल ध्येय बनाउने । त्यसपछि नै उनले अगाडि सारेका यिनै तीन लक्ष्यमा जोडिन आइपुगे, विभिन्न प्रवृत्तिका शक्तिहरू ।

माओवादीभित्रै रहँदा अन्तरसंघर्षमा साथ दिँदै आएका अधिकांश नेतादेखि गैरराजनीतिक पृष्ठभूमिका व्यक्तिसम्म भट्टराईका नयाँ सारथिका रूपमा अगाडि देखिए । तर, पार्टीमा आएका विविध प्रवृत्तिका नेताको उचित व्यवस्थापनमा चुक्दा भट्टराई अहिले एक्लिन पुगेको विश्लेषण राजनीतिक वृत्तमा छ ।

कहिल्यै पार्टीमा ‘फस्ट म्यान’ भई लिडरसिप नलिएका भट्टराईमा लिडरसिपमा हुनुपर्ने क्वालिटी नदेखिनु र आफ्नो गन्तव्यमा आफैं अलमलिनुले अहिले एक्लिँदै जाने परिस्थिति सिर्जना गरेको बताउँछन् प्राध्यापक कृष्ण खनाल । आजको अन्नपूर्ण पोस्ट दैनिकमा खबर छ ।

२०७४ साउन २८ गते ६:५४ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

३ प्रतिकृयाहरू प्राप्त
  • Ramu लेख्नुहुन्छ    |   २०७४ साउन २८ गते ७:२६

    Baburam yesto manxe hun jasle aafaile banayeko ghar chhadera naya tara purano samrachanama ghar banaye. nam naya diyeta pani sabai kura purana thiye.

    12
    10
    Share

  • यम लेख्नुहुन्छ    |   २०७४ साउन २८ गते ९:४१

    नयाँ शक्ति नेपाल शुद्ध हुदैछ । बाबुराम भट्टराई एक्लिएको ले के स्पष्ट पार्छ भने दुरगामी परिबर्तन को साथमा कोहि छैन सबै केही पाउनको लागि राजनीतिमा लाग्छन नपाएपछि त्यो बाटो छोडिदिन्छन । यहाँ सबै आफ्नो निम्ति झगडा गरिरहेछन् यस्ता जन्तुहरुको बिचमा न कसैले बिचारलाई साथी पाईन्छ न त मानवताले नै साथी पाउछ । यहाँ त सब वादको खोल ओढेर देश लुट्ने को मात्र साथी हुन्छ ।

    0
    0
    Share

  • ध्रुब कार्कि लेख्नुहुन्छ    |   २०७४ साउन २८ गते १०:१४

    सफल राजनिती का लागि Vision मात्र भएर नहुने रहेछ नेतृत्व गर्ने क्षमता पनि आबस्यक पर्छ जुन डा• भट्टराई मा कमि देखियो। अब मुल पार्टी सग मिलेर secondman मै बस्ता ब्यक्ति र रास्ट्र दुबै को भलो हुने देखियो

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this