१८ भदौ, काठमाडौं । गोर्खा जनमुक्ति मोर्चाबाट निस्कासित घोषणा गरिएका विनय गुरुङले आफूलाई मार्न नेपालबाट ‘सार्पसुटर’ ल्याएको दाबी गरेका छन् ।
गोर्खा जनमुक्ति मोर्चाका अध्यक्ष बिमल गुरुङले तामाङ र अनित थापालाई दलबाट निकालिएको घोषणा गरेका थिए ।
तर, तामाङले स्वीकार गरेका छैनन् । उनले दिल्लीस्थित केन्द्रीय गृहमन्त्री राजनाथ सिंहलाई पत्र लेख्दै आफू मोर्चाको आन्दोलनको संयोजक रहेको र पहाडको वर्तमान समस्याबारे निर्णय लिने अधिकार आफूसँग भएको दाबी गरेका छन् ।
उनले पत्रमा भनेका छन्, ‘पहाडको समस्यालाई लिएर राज्य सरकारसँग वार्ताको सुरुवात भइसकेकेा छ । यसैले आगामी दिनमा कुनै पनि विषयमा वार्ता गर्न म अधिकृत छु ।’
विनय तामाङले केन्द्र सरकारसँग वार्ता गर्न आफ्नो नेतृत्वमा एक टोली दिल्ली जाने तयारीमा रहेको बताए ।
दार्जीलिङ प्रेस गिल्डमा पत्रकार सम्मेलन गर्दै उनले ९३ सदस्यीय केन्द्रीय समितिका ६ जना बसेर गरेको निर्णय मान्य नहुने बताए । आफू अहिले गोजमुमोमा रहेको भन्दै उनले भने, ‘अहिले पनि म गोजमुमो केन्द्रीय समितिको मुख्य समन्वयक हुँ ।’
उनले आफूलाई ज्यानको खतरा रहेको बताएको खबर म्यागाजिनले जनाएको छ ।
आफूलाई मार्न नेपालबाट सार्पसुटर ल्याएको दाबी गर्दै उनले यही कारण घरमा पुलिसले सुरक्षा दिएको बताए ।
उनले आफू र विमल गुरुङबीच फाटो ल्याउन महासचिव रोशन गिरीले षड्यन्त्र गरेको आरोप लगाए ।
प्रतिक्रिया 4