६ असोज, बारा । जिल्लाको परवानीपुर गाउँपालिकामा राजपा विजयी भएको छ ।
राजपाका अध्यक्ष उम्मेदवार हरिनारायण शाह कलवार २६७७ मतले बिजयी भएका हुन् भने उपाध्यक्षमा पनि राजपाकै साबित्रीदेवी पटेल २०७१ मतले बिजयी भएकी हुन् ।
राजपाका निकट्तम प्रतिद्धन्द्धी एमालेका अध्यक्ष उम्मेदवार रामक्षेत्री प्रसाद पटेलले १८०० मतमा चित्त बुझाएका छन् भने उपाध्यक्ष उम्मेदवार सुगन्धी देबीले २०१७ मतले पछाडि परेकी छन् ।
एमालेको गढका मानिएको परवानीपुरमा राजपाको अनपेक्षित जितले एमालेलाई धक्का पुगेको छ ।
यसअघि राजपाले देवताल गाउँपालिकामा खाता खोलिसकेको छ । अध्यक्ष चन्दन सिंह र उपाध्यक्षमा राजपाकी रामपती देबी महतो विजयी भएका थिए । परवानीपुर राजपाको बारामा दोस्रो जित हो ।
