२९ असोज, गोरखा । आसन्न प्रतिनिधिसभा र प्रदेशसभा निर्वाचनका लागि गोरखामा मुख्य निर्वाचन अधिकृतको कार्यालय स्थापना गरिएको छ ।
आइतबार एक कार्यक्रमका बिच मुख्य निर्वाचन अधिकृत जिल्ला न्यायधिश बसन्तराज पौडेलले कार्यालयको स्थापना गरेका हुन् ।
दुइ वटा निर्वाचन क्षेत्र रहेको गोरखामा प्रतिनिधिसभा सदस्य निर्वाचन क्षेत्र नम्वर १ र क्षेत्र अन्तरगतका प्रदेशसभा सदस्य निर्वाचन क्षेत्र नम्वर १ र २ का लागि महिला तथा बालबालिकाको कार्यालयमा मुख्य निर्वाचन अधिकृतको कार्यालय स्थापना गरिएको छ ।
त्यस्तै क्षेत्र नम्वर २ का लागि पनि निर्वाचन अधिकृतको कार्यालय स्थापना गरिएको छ ।
प्रतिनिधिसभा सदस्य निर्वाचन क्षेत्र नम्वर २ र क्षेत्र अन्तरगतका प्रदेशसभा सदस्य निर्वाचन क्षेत्र नम्वर १ र २ का लागि जिल्ला समन्वय समितिको भवनमा कार्यालय स्थापना गरिएको छ ।
क्षेत्र नम्वर २ को निर्वाचन अधिकृत अख्तियार दुरुपयोग अनुसन्धान आयोगका उपन्यायधिवक्ता एक नारायण लम्साललाई तोकिएको छ ।