गुहेश्वरी मर्चेन्टले १५.७९ प्रतिशत बोनस सेयर दिने

६ पुस, काठमाडौं । गुहेश्वरी मर्चेन्ट बैंकिङ एण्ड फाइनान्सले १५.७९ प्रतिशत बोनस सेयर दिने भएको छ ।

हाल १० बराबर ४ अनुपातमा हकप्रद सेयर जारी गरेको कम्पनीको चुक्ता पूँजी ६९ करोड रुपैयाँ पुगेको छ । कम्पनीले १५.७९ प्रतिशत (१० करोड रुपैयाँ) बराबरको सेयर जारी गरेपछि चुक्ता पूँजी ६९ करोड पुग्ने भएको हो ।

कम्पनीको पुस ५ गते बसेको सञ्चालक समितिको बैठकले प्रस्ताव गरेको यो निर्णय राष्ट्र बैंकबाट स्वीकृत र कम्पनीको साधारण सभाबाट पारित हुन बाँकी रहेको छ ।