गाउँका सबै मानिस करोडपति भएपछि त्यो गाउँ एसियाकै धनी गाउँ नहुने कुरै भएन । यस्तो गाउँ छिमेकी मुलुक भारतमा छ ।
भारतको अरुणाचल प्रदेशको तवांग जिल्लामा रहेको बोमजा गाउँ एसियाको सबैभन्दा धनी गाउँ बनेको छ ।
भारतीय सेनाले उक्त गाउँमा सैन्य अड्डा स्थापना गर्ने योजना बनाएको छ । सोही योजना मुताविक गाउँका हरेक परिवारहरुलाई मुआब्जा स्वरुप एक–एक करोड भारु भन्दा धेरै रकम प्रदान गरेको छ ।
गाउँका ३१ घरधुरीलाई सरकारले ४० करोड ८० लाख भारु मुआब्जा बाँडेको छ र सेनाले २२ एक्कड जमिन खरीद गरेको छ ।
२९ परिवारलाई प्रति परिवार १ करोड ९ लाख भारु र अरु दुई परिवारमध्ये एकलाई २ करोड ४० लाख र अर्कोलाई ६ करोड ७० लाख मुआब्जा वितरण गरिएको छ ।
एजेन्सी