२७ फागुन, काठमाडौं । प्राइम लाइफ इन्स्योरेन्सको आइतबारबाट एक बराबर एक दशमलव छ अनुपातको हकप्रद सेयर बिक्री खुला भएको छ ।
कम्पनीको सेयर २०७५ बैशाख २ गतेसम्म खुला रहने भएको छ । फागुन १६ गतेसम्म कम्पनीमा सेयर स्वामित्व भएकाले आवेदन दिन पाउने छन् ।
कम्पनीको हकप्रदले इक्रा नेपालबाट ग्रेड फोर प्लस रेटिङ दिएको हो । यसले कम्पनीको आधारभुत पक्ष औसतभन्दा कमजोर रहेको संकेत गर्छ ।
कम्पनीले हालै बोनस सेयर घोषणा गरेको थियो । कम्पनीले यस हकप्रदका लगानीकर्ताले समेत प्राप्त गर्ने गरि १२ दशलमव ५० प्रतिशत हकप्रद घोषणा गरेको हो । हकप्रद र बोनस पछि कम्पनीको पुँजी १ अर्ब ७८ करोड रुपैयाँ पुग्नेछ ।
