२८ चैत, काठमाडौं । अमेरिकी राष्ट्रपति डोनाल्ड ट्रम्पले सिरियामा मिसाइल आक्रमण गर्ने भन्दै तयार रहन रसियालाई चेतावनी दिएका छन् ।
अघिल्लो हप्ता सिरियामा रासायनिक हमलाको आरोप लगाउँदै ट्रम्पले त्यसको जवाफमा मिसाइल आक्रमण गर्ने चेतावनी दिएका हुन् । ट्विटरमार्फत ट्रम्पले रसियालाई सिरियाली राष्ट्रपति बसर अल असदसँग मित्रतापूर्ण सम्बन्ध नराख्न पनि आग्रह गरेका छन् ।
सिरियाली राष्ट्रपति बसर अल असद सरकारले रासायनिक हमलामा रसियाको साथ पाएको छ । ट्रम्पले ट्विटरमा असदलाई ग्यास किलिङ एनिमल भनेका छन् ।
गएको शनिबार सिरियाको पूर्वी शहर डुमामा सरकारी सुरक्षाकर्मीले रासायनिक हमला गरेको सिरियाली विपक्षी अधिकारकर्मी, उद्दार कर्ता र डब्लुएचओले पनि बताएको छ ।
सिरियाली अमेरिकी मेडिकल सेसाइटीले ५ सय भन्दा बढी मानिसमा रासायनिक हमलाको लक्षण देखिएको बताएको छ । बुधबार नै विश्व स्वास्थ्य संगठनले डुमामा जान दिन सिरियाली सरकारसँग मागसमेत गरेको छ ।
ट्रम्पले रसियासँगको सम्बन्ध अहिलेसम्मको खराब रहेको बताउँदै रसियासँग शीतयुद्ध रहेको उल्लेख गरेका छन् । ट्रम्पले आफू सबै राष्ट्रले मिलेर सँगै काम गरौं भन्ने चाहना राखेको भन्दै सैन्य दौडमा नलाग्न आग्रह गरेका छन् ।
Russia vows to shoot down any and all missiles fired at Syria. Get ready Russia, because they will be coming, nice and new and “smart!” You shouldn’t be partners with a Gas Killing Animal who kills his people and enjoys it!
— Donald J. Trump (@realDonaldTrump) April 11, 2018
Our relationship with Russia is worse now than it has ever been, and that includes the Cold War. There is no reason for this. Russia needs us to help with their economy, something that would be very easy to do, and we need all nations to work together. Stop the arms race?
— Donald J. Trump (@realDonaldTrump) April 11, 2018
