मोदीकोअभिनन्दन कार्यक्रममा निजी सञ्चार माध्यमलाई रोक

२९ वैशाख, काठमाडौं । भारतीय प्रधानमन्त्री नरेन्द्र मोदीको नागरिक अभिनन्दन कार्यक्रममा निजी सञ्चार माध्यमहरुलाई प्रवेशमा रोक लगाइएको छ ।

काठमाडौं महानगरपालिकाले भारतीय प्रधानमन्त्री मोदीलाई राष्ट्रियसभा गृहमा अभिनन्दन गर्दैछ । कार्यक्रमका लागि पास जारी गरिएको भएपछि ठाउँ अभाव भएको भन्दै निजी सञ्चार माध्यमहरुको प्रवेशमा रोक लगाइएको छ ।

यसको विरोधमा समाचार संकलनका लागि सभागृह पुगेका पत्रकारहरुले क्यामेरा डाउन गरेका छन् ।