३० वैशाख, गोरखा । गोरखा नगरपालिका-११ बिरेनचोक स्थित तिनधारेमा आइतबार ट्याक्टर दुर्घटना हुँदा १४ जना भारतीय मजदुर घाइते भएका छन् ।
ग१त ५९०१ नम्बरको ट्याक्टर दुर्घटनामा आबुँखैरेनी गोरखा सडकखण्डमा सडक स्तरोन्नतीको काम गर्दै आएका भारतीय मजदुरहरु घाइते भएका हुन् ।
आइतबार बिहान करिब ११ बजे खाना खानका लागि ट्याक्टर चढेर जाँदै गर्दा ट्याक्टरको पछाडिको ढाला खोल्सामा पल्टिएको थियो ।
घाइते हुनेमा भारत चौहान, कन्धे मलाह, सोनु शाह, मुवारक अलि, माधव च्याइ, सुवास चौहान, राजकुमार चौहान, रामरतन चौहान, पंकज चौहान, मिसार चौहान, शुशिल चौहान, राजुकामार चौहान, स्माइल मिया र अनिष अलि रहेको प्रहरीले जनाएको छ ।
घाइतेहरुको जिल्ला अस्पताल गोरखामा उपचार भइरहेको छ । घाइते मध्य कन्धे मलाह र मुवारक अलिको अवस्थ्ाा केही जटिल देखिएपनि अन्यको भने सामान्य रहेको अस्पताल स्रोतले जनाएको छ ।
