शनिबार, १२ जेठ, २०७५
Ruslan
OnlineKhabar.com
Suzuki

तोकियो ए डिभिजन लिगको मिति, ४ महिना चल्ने

Suzuki
अनलाइनखबर

२ जेठ, काठमाडौं । गएको चार वर्षदेखि हुन नसकेको शहीद स्माकर ए डिभिजन लिग फुटबलको मिति तय भएको छ ।

एन्फाका अनुसार आगामी असोज १३ गतेदेखि माघ १६ गतेसम्म लिग सञ्चालन हुनेछ ।

अखिल नेपाल फुटबल संघ (एन्फा) को लिग कमिटीका अध्यक्ष विज्ञान राज शर्माले क्लबहरुसँग छलफल गरेर मिति तोकेका हुन् ।

लिगमा १४ क्लबको सहभागिता रहनेछ । जसमा थ्री स्टार, मनाङ मस्र्याङ्दी, नेपाल पुलिस, सशस्त्र प्रहरीको एपीएफ, नेपाल आर्मी, जावलाखेल युथ, फ्रेण्डस्, संकटा, मछिन्द्र, सरस्वती युथ, च्यासल युथ, न्यू रोड टिम (एनआरटी), बिग्रड ब्वाइज र हिमालयन शेर्पा क्लब छन् ।

क्लबले कम्तिमा १८ र बढीमा ३५ खेलाडी टिममा राख्न पाउने छन् ।

जसमा ४ जना विदेशी खेलाडी राख्न पाउने नियम छ । खेलका क्रममा तीन जना विदेशी खेलाडी राख्न पाउने लिग कमिटीले जनाएको छ ।

लिग कमिटीका अध्यक्ष विज्ञान राज शर्माका अनुसार लिगका अन्य पक्षका बारेमा छलफल भइरहेको छ । कति खेल खेलाउने ? कसरी खेलाउने ? पुरस्कार के हुने ? जस्ता विषय टुंगिन बाँकी रहेको उनले बताएका छन् ।

२०७५ जेठ २ गते १८:१२ मा प्रकाशित (२०७५ जेठ ३ गते ७:४०मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this