१ असार, काठमाडौं । रुसमा विश्वकपका बेला एक जोडी समलिङ्गीमाथि सांघातिक आक्रमण भएको छ ।
विश्वकपमा समलिङ्गी विरोधीको रुपमा चिनिने रुस र साउदी अरबको बीचमा खेल हुन भन्दा अघि फ्रान्सका एक ‘गे’ जोडीमाथि आक्रमण भएको हो ।
ओ डेभिरस र उनको नाम नखुलेको जोडी माथि आक्रमण भएपछि उनीहरुलाई सेन्ट पिटर्सवर्गको एक अस्पताल लगिएको छ । उनीहरु आˆनो देश फ्रान्सको राष्ट्रिय टिमको समर्थनमा रुस आएका थिए ।
पिंक न्युजका अनुसार जोडीमाथि एक्कासी आक्रमण भएको हो । साथै उनीहरुसँग भएको सबै सामान लुटिएको थियो । ओ डेभिरसको मस्तिस्कमा चोट लागेको आशंका गरिएको छ ।
घटनामा संलग्न भएको आशंकामा प्रहरीले दुईजनालाई पक्राउ गरेको छ । विश्वकप अगाडि नै धेरैले समलिङ्गीहरु माथि अनुदार मानिने रुसमा उनीहरुलाई दुव्र्यवहार र आक्रमण हुने चिन्ता व्यक्त भएको थियो ।
यस्ता घटनाको लागि धेरैको दोष भए पनि मुख्य दोष फिफाको रहेको धेरैले बताएका छन् । मानवअधिकार हननको विषयमा उठ्ने गरेका सवालहरुलाई फिफाले बेवास्ता गरेको धेरैको आरोप छ ।
फिफाले समलिङ्गीहरु माथि आक्रमण हुन सक्ने खतरा भएको आयोजक देशमा फुटबल समर्थकलाई पर्याप्त सुरक्षाको आश्वासन समेत दिएको थिएन ।
प्रतिक्रिया 4