आइसल्याण्डको पहिलो विश्वकप गोल फिनबोगसनको नाममा

काठमाडौं । अल्फ्रेड फिनबोगसन विश्वकप फुटबलमा गोल गर्ने पहिलो आइसल्याण्डका खेलाडी बनेका छन् ।

पहिलो विश्वकप खेलिरहेको आइसल्याण्डका फिनबोगसनले अर्जेन्टिनाविरुद्ध गोल गरेका हुन् ।

खेलमा अग्रता भने अर्जेन्टिनाले लिएको थियो । १९ औं मिनेटमा सर्जिओ एग्युरोले गोल गरेका थिए । तर, चार मिनेटपछि नै आइसल्याण्डले बराबरी गोल फर्काएको छ ।