११ साउन,चितवन । काठमाडाैंबाट पोखरातर्फ जाँदै गरेको बस त्रिशुलीमा दुर्घटना हुँदा मृत्यु हुनेको संख्या ७ पुगेको छ । २० बढी घाइते भएका छन् ।
मृत्यु हुनेमा एक बालक, दुर्इ महिला र चारजना पुरूष रहेका छन् । मृत्यु हुने मध्ये तीन जनाको सनाखत भएको चितवन प्रहरीले जानकारी दिएको छ ।
तनहुँ भानु नगरपालिका-५ का वर्ष २७ का सुनिल श्रेष्ठ, तनहुँ केशवटारका वर्ष ४० का बाबुराम तिवारी र काठमाडाैंका ३० वर्षका रविन गुरुङको सनाखत भएको हो ।
ना६ख २५०६ नम्बरको बस खानीखोलाबाट धोएर सकडमा निकाल्दै गरेको ना५ख ७४०९ नम्बरको ट्रकसँग इच्छाकामना गाउँपालिका–३ तुम्लिङटारमा मध्यान्ह १२ बजे ठोक्किएपछि करिब सय मिटर तल त्रिशुली नदी किनारमा खसेको थियो ।
घाइतेहरुको पुरानो मेडिकल कलेज, चितवन मेडिकल कलेज, भरतपुर मेडिकल कलेज र भरतपुर अस्पतालमा उपचार भइरहेको चितवनका ट्राफिक प्रहरी प्रमुख बेदप्रसाद गौतमले जानकारी दिए ।
घाइतेहरु सवैको उद्दार भइसकेको पनि प्रहरीले बताएको छ । घटनालगत्तै चितवनको कुरिनटारमा रहेको सशस्त्र प्रहरी बलको विपद् व्यवस्थापन तालिम केन्द्रका सशस्त्र प्रहरी, नेपाल प्रहरी उद्दारमा खटिएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4