१८ साउन, विराटनगर । विराटनगर महानगरपालिका १४ स्थित जतुवामा वेवारिसे अवस्थामा एक युवतीको शव फेला परेको छ ।
अन्दाजी २०/२२ वर्षकी युवतीको शव शुक्रबार अपरान्ह पानीमा डुवेको अवस्थामा फेला परेको हो ।
जोगवनी-कटहरी जोड्ने निर्माणधीन रेलको लिक बिच्छ्याएको कल्भर्टमुनि पानीमा शव फेला परेको थियो । स्थानीयले पानीमा शव तैरिरहेको देखेपछि प्रहरीलाई खबर गरेका थिए ।
इलाका प्रहरी कार्यालय रानीका प्रहरी निरीक्षक सन्तोष निरौलाले मधेसी मूलको जस्तो देखिने शव पानीका तैरिरहेको अवस्थामा भेटिएको बताए । नांगो अवस्थामा भेटिएको शवको पहिचान हुन सकेको छैन ।
प्रहरीले उनको बलात्कारपछि हत्या भएको अनुमान गरेको छ । शवलाई पोष्टमार्टमका लागि कोशी अञ्चल अस्पताल पठाइएको छ ।
