१५ भदौ, काठमाडौं । सरकारले भुटानी शरणार्थी लगायतका मुद्दामा भुटानको नयाँ सरकारसँग कुरा गर्ने बताएको छ ।
बिमस्टेक सम्मेलनमा अन्तरिम सरकारका प्रमुख एवं प्रधानन्यायाधीश ल्योन्पो छिरिङ वाङचुक नेपाल आएका थिए । शुक्रबार १८ बुँदे घोषणा पत्र जारी गर्दै सम्मेलन सकिएको छ । सम्मेलनका क्रममा भुटानका अन्तरिम सरकार प्रमुखले प्रधानमन्त्री केपी शर्मा ओलीसँग द्वीपक्षीय भेटवार्ता गरेका थिए ।
यो भेटमा भुटानी शरणार्थी लगायतका विषयमा खासै कुराकानी भएको छैन । ‘उहाँहरुलाई तपाईहरुको नयाँ सरकारलाई पर्खिरहेका छौं । हाम्रो एजेण्डाहरु छन् है भनेका छौं’ परराष्ट्रमन्त्री प्रदीप ज्ञवालीले भनेका छन् ।
