२२ भदौ, काठमाडौं । एम्स्टर्डम एरियाको मैदानमा सोफामा बसेर परिवारका साथ टीभी हेर्दै नेदरल्याण्ड्सका स्वेस्ले स्नाइडरले अन्तराष्ट्रिय फुटबलबाट सन्यास लिएका छन् ।
स्नाइडरले १५ वर्ष लामो फुटबल करियरबाट सन्यास घोषणा गर्दा निकै भिन्न शैली अपनाएका हुन् । यसरी सन्यास लिनु अघि मैत्रिपूर्ण फुटबलमा पेरुलाई २–१ ले हराएको थियो ।
मिडफिल्डर स्नाइडरले ६२ मिनेट खेले । खेलपछि मैदानमा सोफामा बसेर श्रीमती र दुई छोरीका साथमा पूर्व टिममेट र म्यानेजरको विदाइ सन्देश हेरेका हुन् ।
३४ वर्षीय स्नाइडरले अप्रिल २००३ मा नेदरल्याड्सका लागि डेब्यू गरेका थिए । देशका लागि सबैभन्दा धेरे १३४ क्याप जितेका उनले ३१ गोल पनि गरेका छन् ।
