१ असोज, काठमाडौं । संघीय समाजवादी फोरम, नेपालले संविधान दिवसलाई कालो दिवसको रुपमा मनाउने कुनै निर्णय नगरेको स्पष्ट पारेको छ ।
पार्टीका उपमहासचिव तथा केन्द्रीय कार्यालय प्रमुख प्रकाश अधिकारीले विज्ञप्ति प्रकाशित गरी कालो दिवसका रुपम मनाइने कुनै कार्यक्रमहरुमा समेत सहभागी हुने निर्णय नै नभएको प्रष्ट पारेका हुन् ।
संशोधनमार्फत संविधानका कमजोरीहरु सच्याउने, प्रापत अधिकारहरुलाई संरक्षण गर्दै थप संविधान संशोधन गर्न सरकार र पार्टीबीच समझदारी भएको भन्दै फोरमले संविधानविरुद्ध हुने कार्यक्रममा सहभागी नहुने बताएको हो ।
तर, यसअघि फोरम नेपाल प्रदेश २ का अध्यक्ष रेणु यादवले भने प्रेस विज्ञप्ति जारी गर्दै पार्टीबाट प्रतिनिधित्व गर्ने प्रदेशका सम्पूर्ण जनप्रतिनिधिहरुलाई संविधान दिवसमा सहभागी नहुन आग्रह गरेकी थिइन् ।
