२ असोज, खोटाङ । जिल्लाकाे रुपाकोट मझुवागढी नगरपालिकाका सामुदायिक विद्यालयमा विद्युत्तीय हाजिरी लागू भएको छ ।
सामुदायिक विद्यालयको शैक्षिक स्तर सुधार्न रुपाकोट मझुवागढी नगरपालिकाले १८ विद्यालयमा विद्युत्तीय हाजिरी शुरु गरेको हो ।
३० लाख रुपैयाँको लगानीमा ई–हाजिरी जडान गरिएसँगै अब यी विद्यालयको निगरानी नगरपालिकाका प्रमुखकै कार्यकक्षबाट गर्न सकिने भएको छ ।
सामुदायिक विद्यालयको खस्कँदो शैक्षिकस्तर माथि उठाउन नगरपालिकाभित्रका १८ सामुदायिक विद्यलायमा ई–हाजिरी शुरु गरेकाे जानकारी नगरपालिकाका प्रमुख दीपनारायण रिजालले दिए ।
नगरपालिकाले निकट भविष्यमै अन्य सामुदायिक विद्यालयमा पनि विद्युत्तीय हाजिरीको व्यवस्था गर्ने योजना बनाएको छ ।