काठमाडौं । भेट्रान स्ट्राइकर अनिल गुरुङले ८ वर्षपछि थ्रीस्टार क्लबमा फर्किएका छन् । उनले १३ असोजदेखि सुरु हुने ए डिभिजन लिग थ्रीस्टारबाट खेल्ने भएका हुन् ।
हालै मात्र अन्तराष्ट्रिय फुटबलबाट सन्यास लिएका अनिल ७ वर्षदेखि मनाङमा थिए । तर, बुधबार थ्रीस्टारको टिमसँग आवद्ध भएका छन् र अभ्यास गरेका छन् ।
अनिलसँग थ्रीस्टारमा आउने पक्का भएको तर, औपचारिक सम्झौता हुन बाँकी रहेको बताइएको छ ।
साहारा क्लब पोखराबाट व्यवसायिक फुटबल करियर सुरु गरेका अनिलले २००५ मा थ्रीटारबाट खेलेका थिए । २००९-१० को सिजन सिलोङबाट पनि खेले ।
