काठमाडौं । बंगलादेशका अलउराउण्डर सकिब अल हसनले एसिया कपको फाइनल गुमाउने भएका छन् ।
पाकिस्तानले हराउँदै बंगलादेशले फाइनलमा भारतसँगको भेट पक्का गरेको थियो ।
तर, नम्बर एक अलराउण्डर हसनले दायाँ हातको कान्छी औलामा लागेको चोटका कारण फाइनल खेल गुमाउने भएका छन् । यो उनको जनवरीमा लागेको चोट हो । तर, अहिले दुखाई बढेपछि उनले ब्याट नै समाउन नसक्ने भएका छन् ।
त्यसका बाबजुद एसिया कप खेलेका थिए । चोटका कारण बंगलादेशले यसअघि नै तमिम इकबाललाई गुमाइसकेको छ ।
बंगलादेश क्रिकेट बोर्डका अनुसार हसन चारदेखि ६ साता मैदान बाहिर हुनेछन् । यसको अर्थ उनले जिम्बाब्वेविरुद्ध बंगलादेशले खेल्ने सिरिज पनि गुमाउनेछन् ।
अलराउण्डर हसनले न्यूयोर्क वा मेलबर्नमा छिट्टै औलाको सर्जरी गराउने बताइएको छ ।