विद्रोहीहरुले द्वन्द्वग्रत देशहरुमा सहरहरु कब्जा गरेका समाचार सञ्चार माध्यममा आउने गर्दछन् । तर यहाँ त माकुराले सहर कब्जा गरेको समाचार छ ।
हो, युरोपेली देश ग्रीसको एतोलिको सहर माकुराको कब्जामा परेको छ ।
सहरको सबैतिर माकुराले जालो लगाएको छ । रुख विरुवा, झाडी, घर, भवन जताततै माकुराले जालो बुनेको देखिन्छ ।
विशेष प्रजातिको सेतो माकुराले जाल बुनी सहर ढाकेको छ । टेरान्गाथा प्रजातिको उक्त माकुरा सानो आकारको हुन्छ र जमिनमा भन्दा पानीमा छिटो हिँड्दछ ।
यो माकुराको प्रजननदर निकै नै उच्च रहेको बताइन्छ । यद्यपि, यो माकुरा मानिसको लागि हानिकारक भने छैन ।
यो माकुराले आफ्नो सरीरलाई खिचेर लामो बनाउन सक्दछ । त्यसैले यो माकुरालाई स्ट्रेच स्पाइडर पनि भनिन्छ ।
लामखुट्टको संख्या बढ्दै जाँदा यो प्रजातिको माकुराको प्रकोप पनि बढिरहेको विज्ञहरुले बताएका छन् । लामखुट्टे यो माकुराको मनपर्ने खानेकुरा हो । चिसो मौसम लागेसँगै लामखुट्टे कम हुँदै जाने र यो माकुराको संख्या पनि कम हुँदै जाने बताइन्छ ।
एजेन्सी
