१६ असोज, काठमाडौं । समूह चरणको अन्तिम खेलमा बंगलादेशसँग पराजित भएपछि सेमिफाइनलमा यु-१८ महिला टीम नेपालले भारतको सामना गर्ने भएको छ ।
भुटानमा जारी प्रतियोगितामा मंगलबार नेपाल बंगलादेशसँग २-१ गोल अन्तरले पराजित भएको हो ।
समूह ‘बी’ को उपविजेता नेपालले असोज १९ गते समूह ‘ए’ को विजेता भारतसँग प्रतिस्पर्धा गर्नेछ । त्यही दिन अर्को सेमिफाइनल खेल बंगलादेश र भुटानबीच हुनेछ ।
पहिलो खेलमा नेपालले पाकिस्तानलाई १२-० गोलको विशाल अन्तरले पराजित गरेको थियो ।
