१८ असोज, काठमाडौं । ग्लोबल आइएमई बैंकले रसुवा जिल्लाको नवकुण्ड गाउँपालिका-६ स्थित गोसाँईकुण्ड माध्यमिक विद्यालयलाई ५ थान कम्प्युटर सहयोग गरेको छ । बिहिबार आयोजित एक कार्यक्रमका बचि बैंकका प्रमुख कार्यकारी अधिकृत जनक शर्मा पौड्यालले गोसाँईकुण्ड माध्यमिक विद्यालयका प्रधानाध्यापक गुणराज पौडेललाई ५ थान कम्प्युटर हस्तान्तरण गरे ।
शैक्षिक स्तरोन्नतिका साथै विद्यार्थीहरुमा कम्प्युटरको पहुँच पुगोस भन्ने उद्देश्यका साथ बैंकले कम्प्युटरहरु सहयोग स्वरुप हस्तान्तरण गरेको कार्यकारी अधिकृत पौड्यालले बताए । स्थापनाकाल देखि नै आफ्नो सामाजिक उत्तर दायित्वलाई प्राथमिकतामा राखेर विभिन्न क्षेत्रमा सहयोग पुर्याउँदै आएको बैंक बताउँछ ।
बैंकले विभिन्न समयमा मुलुकमा आईपर्ने प्राकृतिक विपत्तिहरु बाढी, पहिरो, भुँईचालो लगायतका अन्य विपतको समयमा सहयोग गर्दै आएको र यस्ता अन्य सामाजिक कार्यहरुमा पनि निरन्तर अग्रसर हुने जारी विज्ञप्तिमा उल्लेख छ ।
