२२ असोज, काठमाडौं । अष्ट्रेलियाविरुद्धको पहिलो टेष्ट क्रिकेट खेलमा पाकिस्तानले पहिलो इनिङ्समै उच्च स्कोर बनाएको छ ।
दुबई अन्तर्राष्ट्रिय क्रिकेट मैदानमा जारी खेलमा दोस्रो दिन अलआउट हुँदा पाकिस्तानले ४८२ रन जोड्न सक्यो । पाकिस्तानका लागि दुई जना खेलाडीले शतक प्रहार गरे ।
ओपनर मोहम्मद हफिजले १२६ रन बनाए । उनले २०८ बलको सामना गर्दै १५ चौका प्रहार गरेर शतक बनाएका थिए । त्यस्तै, हृयारिस सोहइलले ११० रन बनाए । उनले ८ चौका र २ छक्का प्रहार गरेका थिए ।
उच्च स्कोर बनाउने क्रममा पाकिस्तानका लागि असद शफिकले ८० र इमाम उल हकले ७६ रन बनाए । बलिङतर्फ अष्ट्रेलियाका पिटर सिडलले ३ विकेट लिए । त्यस्तै, नाथन लियोनले २ विकेट लिए ।
फोटो : आईसीसी
