२५ असोज, काठमाडौं । शहीद स्मारक ए डिभिजन लिग फुटबलमा पहिलो हाफसम्म विभागीय टिम नेपाल पुलिस क्लबले जावलाखेल युथ क्लबविरुद्ध अग्रता बनाएको छ ।
ललितपुरको सातदोबाटोस्थित एन्फा कम्प्लेक्सको खेलमैदानमा पहिलो हाफस सकिदासम्म पुलिसले जावलाखेलविरुद्ध १-० गोलको अग्रता बनाएको हो ।
खेलको २०औं सन्तोष हेमरुनले प्रहार गरेको बल जावलाखेलका गोलकिपरले उत्कृष्ट बचाउ गरेपछि पुलिसले अग्रता बनाउनबाट चुकेको थियो । खेलको ३१औं मिनेटमा अजिज भण्डारीले गोल गर्दै विभागीय टिम पुलिसलाई अग्रता दिलाए । उनले तेज तामाङको पासमा गोल गरेका थिए ।
यसअघि आजै भएको पहिलो खेलमा थ्रीस्टार क्लबले फ्रेन्ड्स क्लबलाई २-१ गोलअन्तरले पराजित गरेको थियो ।