७ कात्तिक, काठमाडौं । साफ यु-१५ च्याम्पियनसिप फुटबल प्रतियोगिताको पहिलो दिन २ खेल हुदै छन् ।
ललितपुरको सातदोबाटोस्थित एन्फा कम्प्लेक्सको खेल मैदानमा आयोजक नेपालले आफ्नो पहिलो खेलमा भोलि (बिहीबार) माल्दिभ्सको सामना गर्दैछ । नेपाल र माल्दिभ्सबीचको खेल दिउँसो ३ बजेदेखि सुरु हुनेछ ।
उपाधि उचाल्ने लक्ष्यमा रहेको नेपाल माल्दिभ्सलाई पराजित गर्दै सुखद सुरुवात गर्ने लक्ष्यमा छ । यता, माल्दिभ्सपनि नेपाललाई पराजित गर्ने रणनीतिमा छ ।
बिहीबार नै प्रतियोगिताको पहिलो खेलमा भारतले पाकिस्तानसँग प्रतिस्पर्धा गर्दैछ । यी दुई टिमबीचको खेल ११ बजेर ३० मिनेटमा सुरु हुनेछ ।
प्रतियोगितामा आयोजक नेपालसहित ६ राष्ट्रको सहभागिता रहेका छन् । समूह ए मा आयोजक नेपालसँगै बंगलोदश र माल्दिभ्स रहेका छन् । समूह बी मा भने भारत, भुटान र पाकिस्तान रहेका छन् ।