चलचित्र ‘ऐश्वर्य’की नायिका दीपिका प्रसाई र यही चलचित्रका निर्देशक दिवाकर भट्टराईविच इन्गेजमेन्ट भएको छ । उनीहरुले दशैंको टिकाको केही दिनपछि इन्गेजमेन्ट गरेका हुन् । सामाजिक संजाल फेसबुकमा दुइले एकसाथ तस्बिर राख्दै सधैका लागि एक भएको उल्लेख गरेका छन् ।
अनलाइनखबरसँग कुरा गर्दै दीपिकाले भनिन्-‘हो, हामीले इन्गेजमेन्ट गरेका छौ । उहाँको परिवार र मेरो परिवारको उपस्थितीमा हामीले इन्गेजमेन्ट गरेका हौ । हामीले चलचित्र ‘ऐश्वर्य’ निर्माण लगतै कोर्ट म्यारिज पनि गरेका थियौ ।’
उनीहरु मंसिर महिना लगतै बिहे गर्ने तयारीमा पनि छन् । दिवाकर र दीपिका आज नै थाइल्याण्ड कामको लागि जाने तयारीमा छन् ।
दीपिकाले चलचित्र ‘छक्का पन्जा ३’मा काम गरेकी छिन् भने दिवाकरले निर्देशन गरेको ‘क्याप्टेन’ चलचित्र रिलिजको तयारीमा छ ।
