२७ कात्तिक, काठमाडौं । सानिमा बैंकले नेपालमै पहिलो पटक ‘थ्री इन वान अकाउन्ट’ सेवा शुरु गरेको छ । यस सेवा अन्र्तगत ग्राहकहरुले आफ्नो घर, कार्यालय वा संसारको कुनै पनि स्थानबाट अनलाइनमार्फत विना कुनै झन्झट सेयर कारोबार गर्न सक्ने बैंकले जनाएको छ ।
सेयर कारोबारको रकम राफसाफ गर्नको लागि बैंक वा ब्रोकर कार्यालय धाउन नपर्ने जनाउँदै बैंकले यो सेवा सानिमा क्यापिटल सँगको सहकार्यमा प्रदान गर्ने जानकारी दिएको छ । यसका लागि सानिमा क्यापिटलले सेयर ब्रोकर कम्पनीहरुसँग थप सहकार्य गरेको बैंकद्वारा जारी विज्ञप्तिमा उल्लेख छ ।
सम्पूर्ण व्यक्तिगत ग्राहकहरुले यो सुविधा पाउने बताइएको छ । खाता सञ्चालनका लागि बैंकका ग्राहकहरुले बैंकको वेबसाइट मा गएर लगईन गरी नेपाल अधिराज्यभर रहेका कुनै पनि शाखाहरुबाट आवेदन सक्ने जनाइएको छ ।