३ मंसिर, काठमाडाैं । काठमाडौं महानगरपालिकाले जैविक फोहोरको दुर्गन्ध हटाउने विधिको परीक्षण गरेको छ ।
काठमाडौं महानगरपालिकाको नेतृत्वमा सोमबार बिहान टेकु ट्रान्सफर स्टेशनमा रगत मिसिएको कुखुराको प्वाँख, राँगा भैसीको लादीलगायतका जैविक फोहोरमा ‘माइक्रो बायो पोजेटिभ ब्याक्टेरिया’ मिसाएर दुर्गन्ध हटाउने विधिको परीक्षण भएकाे हाे ।
इड्मा इन्टरनेशनल कम्पनीले यो विधिले फोहोरबाट उत्सर्जन हुने दुर्गन्ध हटाउनले दाबी गरिएकाे छ । यो विधि, जैविक फोहोरमा प्रयोग गर्ने गरिएकाे छ । यो ब्याक्टेरियाले मानव स्वास्थ्यमा कुनै पनि असर नगर्ने कम्पनीकाे दाबी छ ।
निष्क्रिय बनाएर राखिएको ब्याक्टेरियालाई सक्रिय बनाएर दुर्गन्ध हटाउन प्रयोग गरिन्छ । परम्परागत फोहोर व्यवस्थापनका विधिलाई आधुनिक बनाउँदै लैजाने क्रममा यस प्रकारको परीक्षण गरिएको महानगरपालिकाले जनाएकाे छ ।
