१ पुस, काठमाडौं । इंग्लिस प्रिमियर लिग फुटबलमा म्यानचेस्टर सिटीले जित हात पार्दै लिगको शीर्ष स्थानमा उक्लिएको छ ।
शनिबार राति भएको खेलमा सिटीले एभर्टनलाई ३–१ गोल अन्तरले पराजित गरेको हो । आफ्नै घरेलु मैदानमा सिटीको जितमा ग्राबियल जिससले दुई र रहिम स्टर्लिङले एक गोल गरे । त्यस्तै एभर्टनका डोमिनिक काल्भर्ट लेविनले एक गोल गर्न सफल भए ।
खेलको २२औं मिनेटमा गोल गर्दै जेसुसले सिटीलाई अग्रता दिलाएका थिए । पहिलो हाफमा एक गोलले अघि रहेको सिटीले दोस्रो हाफमा दुई गोल गर्दा एक गोल खाएको थियो ।
खेलको ५० औं मिनेटमा जिसुसले अर्को गोल गर्दै सिटीलाई दोब्बर अग्रता दिलाएका थिए । खेलको ६५ औं मिनेटमा एभर्टनका लेविनले गोल गर्दै खेल २–१ को स्थितिमा पु¥याएका थिए । खेलको ६९ औं मिनेटमा सिटीका लागि स्टर्लिङले गोल गर्दै खेल ३–१ गोलअन्तरले जित दिलाए ।
जितसंगै सिटीले लिभरपुललाई पछि पार्दै लिगको शीर्ष स्थानमा उक्लिएको हो । सिटीले १७ खेलबाट ४४ अंक बनाएको छ । पराजित भएको एभर्टनको भने २४ अंक रहेको छ । लिगको दोस्रो स्थानमा रहेको लिभरपुलको ४२ अंक रहेको छ ।
