चलचित्र ‘न यता न उता’को ट्रेलर सार्वजनिक गरिएको छ । नेपाल र यूकेमा छायांकन गरिएको यो चलचित्रले ४० कटेका दुई पुरुषको कथालाई उठान गरेको छ । काठमाण्डौमा आयोजित पत्रकार सम्मेलनमा माघ २५ गतेबाट रिलिज हुन लागेको चलचित्रको ट्रेलर देखाइएको थियो । २० बर्षदेखि लण्डनमा संघर्ष गरिरहेका दुई अर्धवैशे पुरुषको कथालाई कमेडीको माध्यमबाट देखाउन खोजिएको पत्रकार सम्मेलनमा जानकारी गराइयो ।
चलचित्रलाई मिराज रोश र विशारद बस्नेतले निर्देशन गरेका हुन् । चलचित्रमा ऋचा शर्मा, समिर दिक्षित, छुल्ठिम गुरुङ्ग, मिराज रोश, राजाराम पौडेल, वुद्दि तामाङ, रविन्द्र झा, लुनिभा तुलाधर, नम्रता सापकोटा लगायतका कलाकारको मुख्य भूमिका छ ।
मिराज रोशको कथा तथा पटकथामा तयार भएको चलचित्रको बिषयमा नायिका ऋचा शर्माले भनिन्–‘एउटा राम्रो कथामा चलचित्र बनाउने प्रयास भएको छ । चलचित्रका मुख्य २ पुरुष पात्रलाई हामीले सहयोग गरेका हौं ।’
निर्देशक मिराजले आफू लण्डनमा पढेर आएको भन्दै चलचित्रलाई केहि फरक शैलीमा भन्न खोजिएको बताए ।
