१७ पुस, काठमाडौं । अपि पावर कम्पनी लिमिटेडले आर्थिक वर्ष २०७५/७६ को पहिलो त्रैमासमा ३ करोड ४ लाख खुद मुनाफा आर्जन गरेको छ । यो मुनाफा अघिल्लो आर्थिक वर्षको यही त्रैमासको तुलनामा ८३ प्रतिशत बढी हो ।
यसअनुसार कम्पनी अघिल्लो आर्थिक वर्षको सोही त्रैमासको तुलनामा विद्युत बिक्रीबाट ४७ प्रतिशत बढी आम्दानी आर्जन गर्न सफल भएको छ ।
अत्तरिया बलाँच १३२ केभी ट्रान्समिसन लाइन सञ्चालनमा आएपछि विद्युत बिक्रीबाट आम्दानी बढेको कम्पनीले जनाएको छ ।
कम्पनीले प्रकाशित गरेको वित्तीय विवरण अनुसार प्रति शेयर आम्दानी रु. १०.७२ र नेटवर्थ प्रतिशेयर रु. १०८.०८ रहेको छ ।