अहिलेको व्यस्त दैनिकीमा मानिसहरु सोसल मिडिया तथा कामकाजमा यतिधेरै अल्झिरहेका छन् कि व्यक्तिगत जीवनका लागि समय नै निकाल्न पाइरहेका छैनन् । जीवनको भागदौडमा धेरैले प्रेम तथा रोमान्सका लागि समय नै पाएका छैनन् । यहीँ समस्या समाधानका लागि चीनको एउटा स्कुलले अनौठो व्यवस्था सुरु गरेको छ ।
उक्त स्कुलले आफ्ना शिक्षकहरुका लागि प्रेम बिदाको प्रावधान सुरु गरेको छ । जस अनुसार अब शिक्षक शिक्षिकाहरुले प्रेम बिदा लिएर आफ्नो प्रेमी प्रेमिकासँग समय बिताउन सक्नेछन् ।
चीनको जेहिआंग सहरमा रहेको डिंगलान एक्सपेरिमेन्टल माध्यामिक विद्यालयका शिक्षकले हरेक मिहिना दुई दिन आधा–आधा दिनको छुट्टि पाउनेछन् । लभ लिभ भनिने उक्त आधा दिने बिदाको प्रावधान गत जनवरी १५ देखि सुरु भएको छ । खासगरी अविवाहित शिक्षक शिक्षिकाहरुका लागि यो प्रावधान लक्षित गरिएको छ । तर विवाहित शिक्षक शिक्षिकाहरुले पनि प्रेम बिदाको साटो परिवार बिदा लिन पाउनेछन् ।
स्कुलले लागू गरेको लभ लिभको प्रावधानको शिक्षकहरुले स्वागत गर्दै स्कुललाई धन्यवाद दिएका छन् । यस्तो बिदाले शिक्षण पेशामा रहेका अविवाहित युवक युवतीहरुलाई आफ्नो जोडी खोज्ने र जीवनमा रमाउने समय प्राप्त हुनेछ ।
एजेन्सी