११ माघ, काठमाडौं । राष्ट्रिय प्रजातन्त्र पार्टीले प्रतिनिधिसभामा शुक्रबार सरकारको व्यवहार संसदीय मर्यादा विपरीत भएको बताएको छ ।
सरकारले प्रमुख प्रतिपक्षी नेपाली कांग्रेसको विरोधका बीच चिकित्सा शिक्षा विधेयक प्रस्तुत गर्नु र गणितीय शक्तिको आधारमा प्रतिपक्षको आवाज निषेध गर्नु संसदीय मर्यादा विपरीत भएको राप्रपाको भनाइ छ ।
‘गणितीय शक्तिका आधारमा प्रतिपक्षको आवाजलाई निषेध गरिनु संसदीय प्रजातन्त्रको मर्यादा विपरीत हो’ प्रचार विभाग प्रमुख मोहन श्रेष्ठद्वारा जारी विज्ञप्तिमा भनिएको छ ।
विरोधकै बीच सरकारका तर्फबाट चिकित्सा शिक्षा विधेयक पेश गर्नुले मुठभेडको स्थिति देखिएको भन्दै राप्रपाले विरोध जनाएको छ । शुक्रबार संसदमा कांग्रेसको विरोधका बाबजुद चिकित्सा शिक्षा विधेयक बहुमतले पारित भएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4