६ चैत, वीरगञ्ज । बाराको सुवर्ण गाउँपालिका-५ औरैया टोलमा एक पुरुषको शव फेला परेको छ ।
औरैयादेखि बहुअर्वा जाने सडक खण्डमा सुवर्ण गाउँपालिका वडा नम्बर-७ चौरहिया निवासी ५५ वर्षीय महम्मद गन्नी मियाँ ठकुराईको शव फेला परेको हो ।
औरैया निवासी अनुठा यादवको बाँस तथा आँपको बगैंचामा ठकुराईको शव देखेपछि स्थानीयले प्रहरीलाई खबर गरेका थिए ।
जिल्ला प्रहरी कार्यालय बाराबाट खटिएको टोलीले आवश्यक कानुनी प्रक्रिया पूरा गरी शव पोष्टमार्टमका लागि जिल्ला अस्पताल कलैया लगेको छ ।
इँटा भट्टामा काम गरेर घर फर्कने क्रममा उनको मृत्यु भएको हुन सक्ने आशंका गरिएको प्रहरी निरीक्षक चन्द्रकिशोर साहले जानकारी दिए ।
उनका अनुसार ठकुराईको मृत्युको कारण भने अझै खुलेको छ । मृतक मियाँका ५ छोरा र १ छोरी छन् । घटनाबारे अनुसन्धान भइरहेको र पोष्टमार्टमपछि थप कुरा खुल्ने जिल्ला प्रहरी कार्यालय बाराले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4