१२ चैत, कावासोती । नवलपुरका अधिकांश स्थानको विद्युत सेवा अवरुद्ध भएको छ ।
मंगलबार बिहान परेको चट्याङले प्रगतिनगरमा रहेको ट्रान्सफर्मरमा क्षति पुगेपछि विद्युत सेवा अवरुद्व भएको हो ।
ट्रान्सफर्मरमा पुगेको क्षतिले नवलपुरका गैंडाकोट, देवचुली, कावासोती, चोरमारालगायतका स्थानमा विद्युत सेवा अवरुद्व भएको विद्युत् प्राधिकरण वितरण केन्द्र, कावासोतीका सूचना अधिकारी लालहरि उपाध्यायले जानकारी दिए ।
विद्युत् सेवा अवरुद्वपछि जिल्लाका सञ्चार माध्यम, कलकारखाना उद्योगलगायतमा त्यसको असर परेको छ ।
क्षति पुगेको ट्रान्सफर्मर मर्मतका बुटवलबाट प्राविधिक बोलाइएको उनले बताए ।
बिग्रिएको ट्रान्सफर्मर मर्मतपछि मात्रै विद्युत् सेवा सञ्चालन हुने भएकाले यसबारे अहिले नै भन्न सकिने अवस्था नरहेको सूचना अधिकारी उपाध्यायको भनाइ छ ।
नवलपुरको अरुणखोला र दुम्कीवासमा भने विद्युत् सेवा अवरुद्व भएको छैन । सो ठाउमा बर्दघाटतर्फको लाइन रहेकाले त्यहाँ विद्युत् सेवा अवरुद्व नहुने प्राधिकरणले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4