१७ चैत, काठमाडौं । सडक विभागको महानिर्देशकमा केशवकुमार शर्मा नियुक्त भएका छन् । भौतिक पूर्वाधार तथा यातायात मन्त्रालयले शर्मालाई विभागको महानिर्देशकमा नियुक्त गरेको हो ।
पछिल्लो समय सडक विभाग अन्तर्गतकै वैदेशिक सहायता कार्यान्वयन महाशाखा प्रमुखका रुपमा कार्यरत थिए । विस २०५२ सालमा विभागकै इन्जिनियरका रुपमा सरकारी सेवामा प्रवेश गरेका शर्मा ०६९ सालको अन्तिमतिर सहसचिवमा बढुवा भएका थिए ।
यस दौरानमा उनले आयोजना कार्यान्वयन निर्देशनालय (पीआईडी), भौतिक पुर्वाधार मन्त्रालयको गुणस्तर तथा वैदेशिक महाशाखा प्रमुखको जिम्मेवारी पनि बहन गरे । शर्माले विभिन्न सडक आयोजनाको प्रमुख भएर पनि काम गरिसकेका छन् ।
