२०७६ वैशाख २३ गते १७:१९ 
२३ वैशाख, काठमाडौं । सावित्रा भण्डारीले सेथु क्लबबाट भारतमा जारी इन्डियन महिला फुटबल लिगमा २९ सेकेन्डमै गोल गर्न सफल भएकी छिन् ।
इन्डियन महिला फुटबल लिगअन्तर्गत गुरु नानक रंगशालामा सेथु एफसीबाट मनिपुर पुलिस स्पोर्टस् क्लबविरुद्ध खेलेकी सावित्राले आफ्नो डेब्यु खेलमै २९ सेकेन्डमा गोल गर्न सफल भइन् । सावित्राको यो गोल टाइमिङ जारी इन्डियन महिला फुटबल लिगको सबैभन्दा छिटो गोल हो ।
यस्तै, उनले खेलको १६ औं मिनेटमा अर्काे गोल थप्दै व्यक्तिगत २ गोल गर्न सफल भएकी छन् ।
सावित्राले पहिलो पटक अन्तर्राष्ट्रिय स्तरको क्लब लिग फुटबल खेल्न पाएकी हुन् । यही क्लबमा नेपालकी अर्का खेलाडी अनिता बस्नेत पनि अनुबन्धित छिन् । तर आजको खेलमा भने उनी प्लेइङ इलाभेनमा परेकी छैनन् ।
प्रतिक्रिया 4