२०७६ जेठ १९ गते १४:३१ 
१९ जेठ, काठमाडौं । नेपाल खेलकुद पत्रकार मञ्चले हरेक वर्ष प्रदान गर्दै आएको स्पोर्टस अवार्ड अन्तर्गत यसवर्ष पिपुल्स च्वाइस अवार्डका लागि ५ खेलाडी मनोनित गरेको छ ।
जसमा क्रिकेटर सन्दीप लामिछाने, भलिबलकी रेश्मा भण्डारी, ब्याटमिन्टनका प्रिन्स दाहाल, शारीरिक सुगठनका महेश्वर महर्जन र फुटबलकी सावित्रा भण्डारी रहेका छन् ।
पत्रकार मञ्चका सचिव गोविन्द रेग्मीको संयोजकत्वमा रहेको समितिले मनोनयमा पाँच खेलाडी छानेका हुन् । जसलाई एसएमएस र फेसबुक लाइकमार्फत भोट गर्न सकिने छ । यसरी एसएमएस र फेसबुक लाइकमार्फत आएको भोटसँगै खेल संघका मुख्य प्रशिक्षकले पनि उनीहरुलाई मत दिने छन् ।
मन पर्ने खेलाडीलाई भोट गर्न मोबाइल एमएमएसमार्फत ३७७२२ नम्बरमा म्यासेज गर्न सकिने व्यवस्था गरिएको छ । जसका लागि म्यासेज बक्समा गएर अंग्रजीमा पल्सर टाईप गरेर एक स्पेस छाडि र खेलाडीको कोड नम्बर र नाम टाइप गरेर ३७७२२ मा पठाउनु पर्नेछ ।
जस्तो सन्दीपको कोड अंग्रजी अक्षर SL रहेको छ । Pulsar लेखेर स्पेस छाडी SL लेखेर ३७७२२ मा पठाउन सकिने छ । यस्तै रेश्माको कोड RB, प्रिन्सको कोड PD, सावित्राको SB, महेश्वरको MM रहेको छ ।
भोटिङ आज १२ बजेदेखि असार १६ गते राति १२ बजेसम्म गर्न सकिने छ । विजेताको घोषणा आउँदो असार १७ गते आयोजना हुने पल्सर स्पोट्र्स अवार्डको अवसरमा प्रदान गरिने अयोजकले जनाएको छ ।
प्रतिक्रिया 4