बिहिबार बेलुकी नायिका वर्षा राउत र मोडल एलिसा राई चलचित्र ‘आप्पा’को प्रिमियरमा पुगे । ‘आप्पा’को प्रिमियरमा पुग्दा उनीहरुविचको मित्रता देखियो । नायिका वर्षा राउतले आफ्नो साथी फेरिसकेको बताइन् । उनको र एलिसाको निकटता कार्यक्रममा देखिएको थियो ।
नायिका वर्षा राउत चलचित्र क्षेत्रमा थोरै साथी बनाउँछिन् । अहिले उनी एलिसासँग नजिक रहेको उनको सामाजिक संजालका तस्वीर र भिडियोले पनि पुष्टी हुन्छ । चलचित्र क्षेत्रमा राम्रो पकड बनाएकी वर्षा र म्यूजिक भिडियोमा राम्रै स्थान जमाएकी एलिसाको पहिरन स्टाइल भने फरक थियो ।
वर्षा कुर्ता सुरुवाल लगाएर हल पुगेकी थिइन् । एलिसा भने कालो रंगको पहिरनमा हट देखिएकी थिइन् । नायिका राउतले चलचित्र हेरिसकेपछि आफूलाई भावूक बनाएको प्रतिक्रिया दिइन् । 
