१५ असार, काठमाडौं । भारतविरुद्ध इंग्ल्यान्डका जोनी बैरस्टोवले शतक बनाएका छन् ।
विश्वकप क्रिकेटअन्तर्गत जोनीले ९० बलमा शतक बनाएका हुन् । उनले ८ चौका र ६ छक्का प्रहार गर्दै शतक पूरा गरेका हुन् ।
उनको यो जारी विश्वकपमा पहिलो शतक हो । शतक बनाउने क्रममा उनले ज्यासन रोयसँग १६० रनको साझेदारी गर्दै इंग्ल्यान्डलाई राम्रो सुरुवात दिलाए । रोय भने ६६ रनमा आउट भए ।
टस जितेर पहिले ब्याटिङ गरेको इंग्ल्यान्डले उत्कृष्ट प्रदर्शन गरेको छ । आजको खेलमा भारतलाई पराजित गरेमा इंग्ल्यान्डको सेमिफाइनल पुग्ने सम्भावना बलियो बन्ने छ । तर, हारेमा उसको सेमिफाइनल पुग्ने सम्भवना न्युन हुनेछ ।
आजको खेलमा भारतले जित हात पारेको खण्डमा भने सेमिफाइलनमा स्थान सुरक्षित गर्नेछ ।