२७ असार, काठमाडाैं । कर्णाली प्रदेश डिभिजन वन कार्यालय सुर्खेतका प्रमुख (उपसचिव) भक्तबहादुर लामा ४ लाख घुससहित पक्राउ परेका छन् ।
अख्तियार दुरुपयोग अनुसन्धान आयोगको कार्यालय सुर्खेतबाट खटिएको टोलीले लामालाई उनकै कार्यकक्षबाट घुससहित नियन्त्रणमा लिएको हो ।
काठको छुटपूर्जीको म्याद थप गराइदिने भन्दै सेवाग्राहीबाट घुस लिने क्रममा प्रमुख लामालाई नियन्त्रणमा लिइएको अख्तियार दुरुपयोग अनुसन्धान आयोगको कार्यालय सुर्खेतका प्रबक्ता मेघनाथ सापकोटाले जानकारी दिए ।
प्रवक्ता सापकोटाले लामालाई नियन्त्रणमा लिएको पुष्टि गर्दै भने, ‘हाम्रो टोलीले कार्यकक्षबाटै घुससहित नियन्त्रणमा लिएको छ । टोलीले मुचुल्का तयार गर्दै छ ।’
