News Summary
Generated by OK AI. Editorially reviewed.- हुथी विद्रोहीहरूले साउदी अरबले पछिल्लो २४ घण्टामा यमनका ताइज, लहज, जौफ, मारिब र होदेइदामा ५४ हवाई आक्रमण गरेको दाबी गरेका छन्।
- हुथी सैन्य प्रवक्ता याह्या सारीले साउदी वायुसेनाले एफ-१५ र टाइफुन लडाकु विमानमार्फत यमनका क्षेत्रहरूलाई निशाना बनाएको वक्तव्यमा बताएका छन्।
- हुथीहरूले सोमबार साउदी अरबका सैन्य अखडामा मिसाइल र ड्रोन आक्रमण गरेको र रेड सीको तट तथा बाब अल-मन्डेब जलमार्गमाथि नियन्त्रण कायम गरेको दाबी गरेका छन्।
३० भदौ, काठमाडौं । हुथी विद्रोहीहरूले साउदी अरबले पछिल्लो २४ घण्टामा यमनका विभिन्न क्षेत्रमा ५४ वटा हवाई आक्रमण गरेको दाबी गरेका छन्।
हुथी विद्रोहीहरू रेड सीको तटीय क्षेत्रमा तीव्र गतिमा अघि बढिरहेको समयमा सोमबार उनीहरूको यो दाबी बाहिर आएको बीबीसीले जनाएको छ ।
हुथी सैन्य प्रवक्ता याह्या सारीले एक वक्तव्य जारी गर्दै भनेका छन्, ‘साउदी वायुसेनाले एफ-१५ र टाइफुन लडाकु विमानहरूमार्फत यमनका क्षेत्रहरूलाई निशाना बनाएको छ।’
उनका अनुसार, यी हवाई आक्रमणहरूमा ताइज, लहज, जौफ, मारिब र होदेइदाका क्षेत्रहरू समावेश छन्।
बीबीसी पर्सियनका अनुसार, हुथीहरूले सोमबार साउदी अरबका सैन्य अखडाहरूमा आफूहरूले पनि मिसाइल र ड्रोन आक्रमण गरेको दाबी गरेका छन्।
हुथीहरूका अनुसार, पछिल्ला दिनहरूमा उनीहरूले रेड सीको तट र बाब अल-मन्डेब जलमार्गमाथि आफ्नो नियन्त्रण कायम गरेका छन्।
अमेरिका-इरान युद्धका कारण होर्मुज जलमार्ग पहिल्यैदेखि प्रभावित भएकाले बाब अल-मन्डेब समुद्री मार्गको रणनीतिक महत्त्व हालैका दिनमा झनै बढेको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4