असार मसान्तको चाप, बैंक काउन्टर रातीसम्म खुल्ने

३१ असार, काठमाडाैं । आज ३१ असार, चालु आर्थिक वर्ष २०७५/७६ को अन्तिम दिन । वर्षभरको सम्भवतः सबैभन्दा बढी राजस्व संकलन हुने र सरकारले भुक्तानी गर्ने दिन । सरकारले राजस्व कारोबार गर्ने सबै बैंकहरुको शाखा र काउन्टर पुरै सयम खुला राख्ने व्यवस्था मिलाउन नेपाल राष्ट्र बैंकलाई निर्देशन दिएको छ ।

यस दिन रातको १२ बजेसम्म पनि भुक्तानी र राजस्व संकलन जारी रहने महालेखा नियन्त्रण कार्यालयले उल्लेख गरेको छ । राजस्व बुझ्ने सबै बैंकको शाखा र काउन्टर पुरै समय खुला गरि नियमित राजस्व बुझ्ने व्यवस्था मिलाउन बैंकहरुलाई निर्देशन दिइएको छ ।

यस दिन खर्चको चेक पनि यसै दिन साट्ने व्यवस्था मिलाउन सबै चेक क्लियरिङ हुने शाखा र काउन्टर रातीसम्म कारोबारको व्यवस्था मिलाउन अर्थ मन्त्रालयले राष्ट्र बैंकमार्फत बैंकहरुलाई निर्देशन दिएको हो ।