२१ साउन, काठमाडौं । च्याम्पियनसिप क्लब डर्बी काउन्टीले इंग्ल्याण्डका पूर्वकप्तान वायन रुनीलाई प्लेयर कोच नियुक्त गरेको छ ।
एमएलएस टिम डीसी युनाइटेडमा रहेका ३३ वर्षीय फवार्ड १८ महिनाका लागि अन्तरिम प्लेयर कोच बन्न सहमत भएका हुन् ।
रुनी इंग्ल्याण्ड तथा म्यँनचेष्टर युनाइटेडका सर्वाधिक गोलकर्ता हुन् । उनले इभर्टनबाट जुलाई २०१८ मा डीसी गएका थिए । उनले ४१ लिग खेलमा २३ गोल गरेका छन् ।
डर्बी काउन्टीमा पाएको अवसरका लागि आफू निकै उत्साहित रहेको उनले बताए । उनले भने, ‘डर्बी टिम र एकेडेमीबाट कोचिङ करियर सुरु गर्दा म निकै उत्साहित छु ।’
डर्बीको प्रशिक्षक फिलिप कोकु छन् ।